प्रधानमन्त्री केपी शर्मा ओलीको भ्रमणका क्रममा आज मंगलबार अन्य विभिन्न सम्झौतासँगै बीआरआई पनि अघि बढाउने तयारी थियो । तर, चिनियाँ पक्षले अनुदानमा आधारित रहेर बीआरआई अघि बढ्न नसक्ने स्पष्ट पारेपछि सम्झौता रोकिएको छ ।
सत्ता संचालन गरिरहेका नेपाली कांग्रेस र नेकपा एमालेले कार्यदल नै बनाएर मस्यौदा तयार पारेका थिए । उक्त मस्यौदामा चिनियाँ पक्षले पनि सकारात्मक प्रतिक्रिया दिएकाले बीआरआई कार्यान्वयन सम्झौता हुने बताइएको थियो ।
