ताैलिहवा-  सरोकारवालाहरूको वेवास्थाका कारण कपिलवस्तु बिभिन्न नाकाहरूबाट माप दण्ड बिपरित नदीनालाहरूबाट नदी जन्य पद्धार्थ ढुंगा, मिस्कट, बालुवाको चरम दाेहाेन भइरहेको छ । दाेहाेन तथा अबैध निकासी नियन्त्रण गर्ने जिम्मा पाएका सरोकारवालाहरू नजानिदो माैनदा ठेकेदार एंव तस्करहरूलाइ अहिले माला माल भइरहेका छन् ।
यसै क्रममा  कपिलवस्तु नगरपालिका– ६ रुधौलाघाट स्थित वन क्षेत्रमा अबैध उत्खनन गरेको आरोपमा ट्याक्टर सहीत एक जना  व्याक्तीलाइ सव डिभिजन कार्यालय चेत्रादेईबाट खटिएका वन कर्मचारीहरुले पक्राउ गरका छन् । वन क्षेत्रमा पर्ने नदीको डीलबाट उत्खनन गरी लु ३ त ८३९७ नम्बरको ट्याक्टरमा बालुवा लोड गरेको अवस्थामा नगरपालिका– ६ सेमरिका शिव कुमार यादव पक्राउ परेका हुन ।
वन क्षेत्रमा अबैध उत्खनन भएको गुनासाे आए पछि छड्के निरीक्षण गर्दा यस्तो भेटिएको डिभिजन वन कार्यालयका सहायक वन अधिकृत मदन स्यान्डील्यले बताए । पक्राउ गरेका यादव बिरुद्ध वन ऐन अनुसार कारबाही प्रकृया अघि बढाइएको उनले बताए । कपिलवस्तु, बाणगंगा, बुद्धुभुमी, शिवराज नगरपालिका र बिजयनगर गाउपालिकाका ठेक्का लागको र नलागको खोला नालाहरुमा अहिले चरम दोहन भईरहेको स्थानीय बताउछन । ठेक्का यही जेठ मसान्त भित्र सकिने भएकाले ठेकेदारहरु अहिले दिनरात नै नदीमा तोकिएको मापदन्ड बिपरित नदीमा दोहन गरेर निकासी गर्ने गरेका छन । सरोकारवाला निकाय मौन हुदा अहिले नदीमा दोहन झनै बढेको छ ।