काठमाण्डाै  । ६ वटा महानगरपालिकामा मतपत्रमा उम्मेदवारी दिएको पदमा मात्र दलको चुनाव चिह्न रहने भएको छ । यस अघिकै निर्णय अनुसार ६ वटा महानगरपालिकाको मतपत्रमा उम्मेदवारी दिएको पदमा मात्र दलको चुनाव चिन्ह रहने निर्वाचन आयोगका प्रवक्ता शालिग्राम शर्मा पौडेलले जानकारी दिनुभयो ।

६ वटा महानगरपालिका र भक्तपुरका चार वटा नगरपालिकाको मत्रपत्र उम्मेदवारको अन्तिम नामावली प्रकाशन भएपछि मात्रै छापिने उहाँले बताउनुभयो । आयोगले यो वर्ष ८७ प्रकारका मतपत्र डिजाइन गरेर जिल्ला जिल्लामा पठाएको पनि बताएको छ । मतपत्र उम्मेदवारको अन्तिम नामावली आउनुअघि नै प्रकाशन गर्नुपर्ने भएकोले उम्मेदवार नभएको पनि चिन्ह हुने प्रवक्ता पौडेलले बताउनुभयो ।