कपिलवस्तु । १२ औं कपिलवस्तु महोत्सव एवम् कृषि, पर्यटन तथा औधोगिक प्रदर्शनीको तेस्रो दिन शनिबार २० हजार बढी दर्शकले अवलोकन गरेका छन् । महोत्सवको तेस्रो दिन आज शनिबार २० हजार बढी दर्शकले अवलोकन गरेका कपिलवस्तु उद्योग बाणिज्य संघका महासचिव मनोज पौडेलले जानकारी दिनुभयो । यो गर्मीको मौसममा पनि दर्शकहरुको उत्साहजनक उपस्थिति रहेको महासचिव पौडेलले बताउनुभयो ।

महासचिव पौडेलका अनुसार आज करिब ३० लाख बराबरको आर्थिक कारोबार भएको छ । महोत्सवमा शनिबार स्थानीय तथा राष्ट्रिय कलाकारले बेजोड प्रस्तुति राखेका छन् । लोक दोहोरी खुमन अधिकारी, शिलु भट्टाराई, शिव खनाल, शारदा खनालले बेजोड प्रस्तुति राखेको वरिष्ठ उपाध्यक्ष तथा महोत्सवका निर्देशक छवि रेस्मी मगरले बताउनुभयो ।